ثرثرة + ظاهرة غريبة "بس منتشرة " بشكل غريب

السلام عليكم ورحمة الله وبركاتة : 

كيفكم وكيف الاجازة معكم انشاء الله بخير 

سبحان الله من الاشياء الي تجيب لي الضغط و السكر وحموضة المعده لمن شخص يدخل مكان 

وما يقول السلام عليكم ورحمة الله 

او العكس  انا ادخل المكان واقول السلام ومحد يرد على  

هذا الموقف انا داايم اواجهه في البقالة اكثر شيء استغفر الله بس 

خليني اقلكم على موقف صار لي في احدى الايام :

كنت قاعد في البيت المهم وعلى الساعة 12بليل اشتهيت الكتكات المهم قلت خليني اروح للبقالة 

اشتري وادخل البقالة و المشكلة مليانة يعني غير راعي البقالة ممكن 7 اشخاص المهم دخلت قلت 

السلام عليكم ولا احد رد سمعت صدي السلام ما غير راعي البقالة بس الي رد السلام ولا كمان 3 منهم واقفين عند الحساب وادخل شوي وبصوت 

واطييي قلت وجع فبطنك الكل لف وجهه وسار يطالع فيني يعني سبحان الله سلام الله ما ردو عليه ولا احد اعطاني وجه ولمن سمعو كلمة زي ذي مشاء الله السمع صار 10/10

والعكس الي يدخل مكان واخذ وضعيت القمط ( لا سلام ولا شيء ياعمي انت داخل على مسلمين مو على مجوس )

انا الحمد لله اهلي ربوني على السلام وكلمت شكرا لمن احد يقدم لي خدمة والعكس انا احب الشخص الي يقولي شكرا لمن اقدم له خدمة .

لسانك ما راح ينقطع او يتجرح اذا قلت السلام ( والكلام لكي كمان يا مدموزيل ) 

هذا زعلان منه  "البنات" هاذي ما اكلمها ذي تتكلم على حتي لو بينكم خلاف كبير او ما تتكلمو دخلت او دخلتي مكان قول السلام واجرك على الله .

السلام او التحية ما راح تقلل من قدرك او من مكانتك بلالعكس راح تعطي انطباع جدا جميل عند الناس و غير كدة يدخل الاطمئنينه فقلب الي تلقي عليه السلام.

وانا بصراحة اشوف الضاهره هاذي بصراحة قلة ادب بس الكلام مو للجميع في ناس مشاء الله عليهم حتي لو ما يعرفك مو سلام بس الا مصافحة بليد  انا الفئة ذي احطها فوق راسي 

قال النبي صلى الله عليه وسلم: "لا تدخلوا الجنة حتى تؤمنوا، ولا تؤمنوا حتى تحابوا، أولا أدلكم على شيء إذا فعلتموه تحاببتم؟ أفشوا السلام بينكم"

ولي ما يردون السلام اقراالحديث الشريف 

وأما رد السلام ففيه قول النبي صلى الله عليه وسلم: "خمسٌ تجب للمسلم على أخيه: رد السلام، وتشميت العاطس، وإجابة الدعوة، وعيادة المريض، واتباع الجنائز"

مع السلامه.